TALLERES\ \ DE COCIÑA CON RAZAS AUTÓCTONAS NO XANTAR 2019
6-10 Febreiro de 2019. Expourense (Ourense)
Entre as numerosas actividades que se celebraron no Xantar 2019, destacaron os interesantes talleres de cociña, que se fixeron con produtos das razas autóctonas Limiá e Galiña de Mos, e onde se mostraron distintas formas de preparar estos produtos de calidade.
O Mércores día 6, a protagonista foi a carne de raza Limiá, no taller gastronómico a cargo do chef Juan Carlos Cortés “Vaca Autóctona de Ganadería Balín”. Taller que foi organizado pola Asociación de hostaleiros Cociña Ourense, e no que participou Antonio Pérez (Tonecho) de Ganadería Balín, aportando a materia prima e divulgando as propiedades desta excelente carne e da súa ganadería de raza autóctona Limiá.
O Xoves 7, houbo outro taller con produtos de raza autóctona, "Aproveitamento de vaca Limiá de Ganadería Balín, por Oliver do restaurante Chanfainas" (Barco de Valdeorras). O taller foi introducido por Antonio Pérez(Tonecho) de Ganadería Balín, quen aportou a materia prima e falou da súa explotación da raza Limiá e dos excelentes produtos. A maridaxe fíxose con viños da bodega O Alborexar no Ribeiro, presentados por Alejandro da mesma bodega.
O Venres 8 de febreiro, presentáronse máis talleres de cociña con raza autóctona. Un deles presentouse na Aula Cuevas de Xantar, con produtos da Raza Galiña de Mos, a cargo do Chef David "Restaurante O Pazo de Canedo", e acompañado por Pepe "Vilachá" (Granxa O Seara), produtor de raza Galiña de Mos, quen presentou a súa granxa artesanal, a raza Galiña de Mos e os seus produtos. Pepe aportou a excelente materia prima, para as presentacións tan suxerentes coma "escabeche de galo de raza Mos con cruxente da súa pel", e "Galo de raza Mos estofado con acompañamento de trigo e berza". Noraboa!.
Seguidamente presentouse o Showcooking "Ternera Limiá de Ganadería Balín, tradicional e saudable", presentado por Gabi Conde restaurante Portovello, e Moises de "El Taller" e Tonecho Pérez (Ganadería Balín), con presentacións tan suxerentes coma tartar de solombo, rollo de col recheo de agulla de raza Limiá, carpaccio de raza Limia e Mollejas de tenreira de raza Limiá. A maridaxe fíxose con viño da bodega Catro Ferrados.
Todas elas excelentes iniciativas para promocionar os produtos de raza autóctona 100%, únicos diferentes e de calidade.
Mostrámosvos un resumo con imaxes sobre o trascorrer das distintas presentacións.